संस्थागत परिचय (Introduction) ः
समिकरण विकास केन्द्र(एड्सेन) नेपाल एक मुनाफा रहित गैरसरकारी संस्था हो । यस संस्था सुर्खेत जिल्ला प्रशासन कार्यालय सुर्खेतमा मिति २०६० साल पौष ०९ गतेका दिन दर्ता नं.२७४/०६० मा विधिवत् रुपमा दर्ता भै संचालनमा आएको सामाजिक संस्था हो । यस संस्था समाज कल्याण परिषदमा दर्ता नं. १६६०३ मा आवद्धता भैसकेको छ भने जिल्ला स्थित गैरसरकारी महासंघमा समेत आवद्धता भै अगाडि वढेको छ । संस्थाले स्थापना कालदेखि नै समूदायका मानिसहरुलाई आत्मनिर्भर, स्वावलम्वी, स्वरोजगारी, लागू औषध दूरव्यसनीको कुलतमा फसेका यूवाहरुलाई विभिन्न जनचेतना मूलक कार्यहरु गरी दूरव्यसनी मुक्त वनाउने, दैवी प्रकोप र विपत् व्यवस्थापनवाट समूदायका मानिसहरुलाई कसरी वच्ने त्यसको उपायको खोजी गर्दै सुरक्षित हुन सुसज्जित गर्दै समूदायका मानिसहरुलाई श–शक्त वनाउँदै र मौकावाट पछाडि पारिएका समूदायका मानिसहरुमा चेतनाको अभिवृद्धि गराइ समूदायमा संचालनमा आएका र निर्माण भैरहेका विकासका गतिविधिलाई यो हाम्रो हो, हामीहरुले नै यसको संरक्षण र सम्वद्र्धन गर्नु पर्छ भनि जनचेतना अभिवृद्धि गराउने उद्देश्यका साथ समिकरण विकास केन्द्र(एड्सेन) नेपाल संस्थाको स्थापना भएको हो ।
समिकरण विकास केन्द्र(एड्सेन), सुर्खेत संस्थाले स्थापना कालदेखि नै समूदायका मानिसहरुलाई विभिन्न क्रियाकलापहरुमा संलग्न गराउँदै मौकावाट पछाडि पारिएका समूदायका यूवायुवती, महिला, विभिन्न जातजातीहरु र विपलाङ्ख मानिसहरुलाई मानवअधिकार, लागूऔषध, दैवीप्रकोप लगायत् विभिन्न गतिविधिहरु संचालन गर्दै हाल यस संस्थाले नेपालमा पहिलो कार्यक्रमको रुपमा नमुना गाउँ निर्माण कार्यक्रम संचालनमा ल्याएको छ । उक्त कार्यक्रमले ती समूदाय मै वसेर आफूसंग भएको सीप र जाँगरलाई परिचालन गर्दै र आफूसंग भएको जति रकम छ त्यही रकमवाटै व्यवसाय सञ्चालन गर्नु पर्छ भन्ने मूल्यमान्यता वोकेर कार्यक्रमको ढाँचा तय गरी भौगौलिक विकटताले पछारेर पछाडि पारेको स्थानवाट कार्यक्रम शुरु गरिएको छ । खास गरी यस संस्थाले कर्णाली प्रदेशमा थुप्रै प्राकृतिक सौन्दर्यता, पुरातात्विक वस्तुहरु हुँदाहुँदै पनि नुनको खोजीमा सुनको सिरानी राखेर दैनिक रुपमा भोग र रोगले ग्रसित अवस्थामा रहेको कर्णाली प्रदेशवाटै यो कार्यक्रम सञ्चालन गर्नु पर्छ भनि कर्णाली प्रदेशको दुई जिल्लाहरु हुम्ला र जाजरकोटलाई आफ्नो कार्यक्षेत्र बनाई कार्यक्रम संचालन गरीरहेको छ ।